اسلام آباد۔13ستمبر(اے پی پی) نائب وزیرِاعظم /وزیرِ خارجہ سینیٹر محمد اسحاق ڈار دی صدارت اچ لمبی مدت رہائشی پالیسی تے کابینہ کمیٹی دے اجلاس اچ تفصیلی غور کرݨ دے بعد غیر ملکی طویل المدتی رہائشی آرڈر 2025 دی منظوری ݙتی ڳئی۔ دفتر خارجہ توں جاری بیان موجب غیر ملکی طویل المدتی رہائشی آرڈر 2025 دی منظوری پاکستان اچ سرمایہ کاری ویزا پالیسی دے تحت غیر ملکی سرمایہ کاراں اتے پیشہ ور لوکاں کوں راغب کرݨ دے پاسے ھک اہم قدم اے۔ اجلاس اچ وفاقی وزیرِ قانون اعظم نذیر تارڑ، وزیرِاعظم دے معاونِ خصوصی طارق باجوہ، سیکرٹری خارجہ، سیکرٹری قانون، سیکرٹری داخلہ، چیئرمین فیڈرل بورڈ آف ریونیو، اسپیشل سیکرٹری خزانہ اتے ٻئے اعلیٰ حکام شرکت کیتی۔
.jpg)
