نیویارک۔24ستمبر (اے پی پی) نائب وزیراعظم تے وزیر خارجہ سینیٹر محمد اسحاق ڈار دی نیویارک اچ برطانیہ دی وزیر خارجہ یویٹ کوپر نال ملاقات تھئی، ڈوہیں رہنماواں اچ آپسی دلچسپی دے معاملیاں تے ڳالھ مہاڑ تھئی۔ ٻُدھ کوں ترجمان دفتر خارجہ ولوں جاری بیان موجب، نائب وزیراعظم تے وزیرخارجہ اسحاق ڈار دی نیویارک اچ اقوام متحدہ دی جنرل اسمبلی دے 80ویں اجلاس (ہو این جی اے 80) دے موقع تے برطانوی وزیر خارجہ یویٹ کوپر نال ملاقات تھئی، ڈوہیں رہنماواں آپسی دلچسپی تے مشتمل وݙے امور تے ڳالھ مہاڑ کیتی، جئیں اچ پاکستان اتے برطانیہ دے دیرینہ شراکت داری دے تعلقات، تجارت تے سرمایہ کاری اتے بین الاقوامی فورمز تے تعاون شامل ہئی۔ فریقین خطے اتے دنیا دے اڄوکے واقعات تے وی ڳالھ مہاڑ کیتی۔ نائب وزیراعظم تے وزیر خارجہ اسحاق ڈار پاکستان اتے برطانیہ دے ݙوہیں پاسے دے تعلقات کوں ودھاوݨ اچ پاکستانی کمیونٹی دے اہم کردار کوں وی اُجاگر کیتا۔
