لاہور۔ 18 مئی (اے پی پی) سپیکر قومی اسمبلی سردار ایاز صادق آکھیے جو بھارت دے ??لاف فتح نال پاکستان کوں علاقائی و عالمی سطح تے بھرپور پذیرائی ملی اے۔ قوم شہداء دی قربانیاں کوں کݙاہیں وی نہ بھُلسی۔ حکومت عوام کوں بنیادی سہولتاں ݙیوݨ کیتے ٹھوس اقدامات کریندی پئی اے۔ لاہور ڈویلپمنٹ پروگرام دے ??حت جاری منصوبے عوامی فلاح و بہبود کیتے سنگ میل ثابت تھیسن۔ وزیراعلیٰ پنجاب مریم نواز شریف دا وژن اے جو لاہور کوں جدید، صاف تے سوہݨا شہر بݨایا ونڄے۔ اے ڳالھ انہاں لاہور ڈیویلپمنٹ پروگرام دے ??حت 18 ارب روپے دی لاڳت نال سیوریج، واٹر سپلائی تے ٻیاں بنیادی سہولتاں ݙیوݨ دے منصوبیاں دے ??فتتاح دے موقع تے آکھی ۔ ایں موقع تے صوبائی وزیر سوشل ویلفیئر و بیت المال سہیل شوکت بٹ، ایم ڈی واسا غفران احمد تے ٻئے وی موجود ہن۔ سپیکر قومی اسمبلی آپری??ن بنیان مرصوص دی کامیابی تے خوشی دا اظہار کیتا تے آکھیے اللہ تعالیٰ دا شکر اے جو پاکستان کوں ایں جنگ اچ فتح نصیب تھئی۔ افواج پاکستان دی جرات و بہادری کوں خراج تحسین پیش کریندے ??ُنہاں آکھیے پاک افواج ہر محاذ تے دفاع کوں یقینی بݨائے۔ پوری قوم اتحاد و یکجہتی دا مظاہرہ کیتا۔ ساریاں سیاسی قوتاں ملکی سلامتی کوں مقدم رکھیا۔ قومی یکجہتی پاکستان کوں سفارتی و اخلاقی فتح ݙیوائی۔ ایں عظیم فتح تے قوم شہداء دی قربانیاں کوں کݙاہیں وی نہ بھُلسی۔ اُنہاں آکھیے میں خصوصاً قائد مسلم لیگ (ن) محمد نواز شریف دا وی شکریہ ادا کرینداں، جنہاں عالمی دٻاؤ کوں پچھوں سٹ تے وطن عزیز کوں ایٹمی طاقت بݨایا تاں جو کوئی وی ملک خداداد دے پاسے میلی اکھ نال ݙیکھݨ دی جرات نہ کرے۔ اُنہاں آکھیے پاکستان صبر و تحمل تے حکمت نال دشمن دی جارحیت دا مقابلہ کیتا۔ عالمی سطح تے پاکستان دی سفارتکاری دی تعریف کیتی ڳئی ۔ وزیراعظم شہباز شریف کوں خراج تحسین پیش کرینداں، جنہاں دنیا کوں پاکستان دے موقف دا وختی ݙسایا جو اساں امن پسند قوم ہیسے۔ اساں جنگ نی چاہندے کیوں جو پاکستان دہشت گردی دے ??لاف پہلے ہی 90 ہزار شہادتیاں ݙتن۔ لیکن جے جنگ اساں تے مسلط کیتی ڳئی تاں اساں ایں دا بھرپور جواب ݙیسوں۔ پوری قوم اپݨی افواج دے نال کھڑی تھی ڳئی۔ قومی اسمبلی اچ ساریاں جماعتاں اتحاد دا مظاہرہ کیتا۔ ݙوجھی پاسے اسلامی دنیا ساݙے نال کھڑی ہئی۔ ترکی تے آذربائیجان سودھے ٻئے دوست ملک ساݙے نال کھڑے ہن۔ سپیکر قومی اسمبلی آکھیے ول دنیا ݙٹھا جو جݙاں دشمن رات دے ??ندھارے اچ حملہ کیتا تاں کینویں ساݙی فوج ݙینھ دی روشنی اچ دشمن کوں دھوڑ چٹوائی۔ پاکستان اج سیاسی، دفاعی تے اخلاقی برتری دے نال ابھریے۔ بھارت دے ??لاف فتح نال پاکستان کوں علاقائی تے عالمی سطح تے بھرپور پذیرائی ملی اے۔ دنیا منیے جو پاکستان ہک خود مختار تے پرامن ملک اے۔ ساݙی افواج اچ او صلاحیت اے جیہڑی دنیا اچ کہیں کنے کائںی ساݙے نینگراں شہادت ݙے تے ایں ملک دی حفاظت کیتی۔ پاکستان پہلے وی اسلام دا قلعہ ہئی اڄ وی اے۔ اُنہاں مخاطب تھیندے ??کھیے یاد رکھو جو ساݙا دشمن ٻہوں چالاک تے مکار اے۔ اساں کوں آندے ویلھے اچ وی دشمن دی طاقت دا مقابلہ ہک تھی تے کرݨا ہوسی۔ سہیل شوکت بٹ آکھیے عوام کوں بنیادی سہولتاں ݙیو?? حکومت پنجاب دی اولین ترجیح اے۔ مسلم لیگ (ن) پہلے ملک کوں ناقابل تسخیر ایٹمی قوت بݨایا تے ہݨ معاشی قوت بݨیسوں۔ اُنہاں ہدایت کیتی جو ترقیاتی کماں اچ معیار تے شفافیت کوں یقینی بݨایا ونڄے۔ ایں توں پہلے سپیکر قومی اسمبلی سردار ایاز صادق واہگہ ٹاؤن اچ 18 ارب دی لاڳت نال ترقیاتی منصوبیاں دا افتتاح کیتا۔ ایں موقع تے اُنہاں آکھیے وزیراعلیٰ پنجاب مریم نواز شریف دا وژن اے جو لاہور کوں ہک جدید، صاف تے سوہݨا شہر بݨایا ونڄے۔ اے منصوبے عوامی فلاح و بہبود کیتے سنگ میل ثابت تھیسن۔ ایم ڈی واسا غفران احمد سپیکر قومی اسمبلی کوں ترقیاتی منصوبیاں متعلق تفصیلی بریفنگ ڈتی تے ݙسایا وزیراعلیٰ پنجاب مریم نواز شریف دی خصوصی ہدایات تے لاہور اچ ترقیاتی کماں دا دائرہ مزید وسیع کرݙتا ڳئے۔ لاہور ڈویلپمنٹ پروگرام دے ݙوجھے فیز اچ ایں منصوبہ دے ??حت واہگہ ٹاؤن اچ جلو موڑ توں گھن تے قائد اعظم انٹرچینج تے لکھو ڈھیر توں محمود بوٹی تئیں جی ٹی روڈ تے ٹرنک سیور وچھایا ویسی۔ 180 کلومیٹر واٹر سپلائی لائن تے 135 کلومیٹر سیوریج لائن وچھائی ویسی تے 2300 خستہ حال ڳلیاں کوں پکا کیتا ویسی۔ سردار ایاز صادق تے صوبائی وزیر سوشل ویلفیئر سہیل شوکت بٹ علاقہ اچ ترقیاتی منصوبیاں دے ??غاز تے قائد مسلم لیگ (ن) محمد نواز شریف تے وزیر اعلیٰ پنجاب مریم نواز شریف دا شکریہ ادا کیتا۔
