کراچی۔ 24 مئی (اے پی پی) وفاقی وزیر اطلاعات و نشریات عطاء اللہ تارڑ آکھیِے بھارتی جارحیت تے پاکستان دی مسلح افواج بہادری، دلیری اتے حکمت عملی دا ایجھا مظاہرہ کیتا جئیں نال دشمن جھکا تھئے ، فیلڈ مارشل سید عاصم منیر دی شجاعت، دور اندیش قیادت اتے پاک فضائیہ دے سربراہ ظہیر احمد بابر دے شاہیناں دے کارنامے قابل تعریف ہن، نیول چیف ایڈمرل محمد اشرف دی قیادت اچ پاک بحریہ دشمن کوں ساحلاں تئیں رسائی توں روکی رکھیا اتے پاکستان کوں تاریخی فتح ملی۔ اتھاں مسلم لیگ (ن) دی کارکن ثمینہ قاسم دی نماز جنازہ اچ شرکت دے بعد میڈیا نال ڳالھ مہاڑ کریندے ہوئیں وفاقی وزیر اطلاعات مسلح افواج دے سربراہان اتے جواناں کوں خراج تحسین پیش کریندے ہوئیں آکھیِے اساݙی فضائیہ اتے بحریہ الرٹ ہن، بھارت کوں جرات کائنی تھئی جو او اساݙے ساحلاں دا رُخ کرے۔ اللہ تعالیٰ پاکستان کوں تاریخی فتح نال نوازیے، بھارت دے جہاز ڈٹھے، اوں دی ملٹری تنصیبات کوں ضیان پڄا ، ہݨ بھارت بیک فٹ تے اِے۔ ان????ں آکھیِے وزیراعظم شہباز شریف ترکیہ، آذربائیجان اتے ایران دے دورے کریسن۔ ان??اں ترکیہ دے صدر رجب طیب اردوان کوں پاکستان دا قابل اعتماد دوست قرار ݙتا اتے آکھیِے رجب طیب اردوان پاکستان دی ہر دل عزیز شخصیت اتے پاکستان دے دوست ہن، پاک بھارت کشیدگی دے دوران ان??اں دا کردار اہم رہیِے۔ وفاقی وزیر آکھیے وزیراعظم آذربائیجان اتے ایران دا دورہ وی کریسن، باکو دیاں سڑکاں تے پاکستان دی فتح دا جشن منایا ڳئے۔ پاکستان دے دوست مُلک اساݙے حق و سچ تے مبنی بیانیہ تے ساتھ ݙتا۔ وفاقی وزیر آکھیِے بھارت کنے ڳالھ کرݨ کیتے کجھ کائنی رہیا، اساں پہلگام واقعہ دی تحقیقات دی وی پیشکش کیتی ہئی۔ وفاقی وزیر اطلاعات آکھیِے اللہ تعالیٰ پاکستان کوں شاندار فتح نال نوازیِے، مسلح افواج دے سربراہان اتے آپݨے جواناں دے مشکور ہن۔ ان????ں آکھیے جو میڈیا ہاؤسز اتے سوشل میڈیا استعمال کرݨ آلیں بیانیہ دی جنگ اچ اہم کردار ادا کیتے، دنیا وی پاکستانی موقف کوں منیا، پاکستان نہ صرف عسکری محاذ بلکہ سفارتی و اطلاعات دے محاذ تے وی برتری ڳھدی جݙاں جو بھارت دا کوڑا بیانیہ بے نقاب تھئے۔ ان????ں آکھیِے جݙاں بھارت پاکستان تے حملہ کیتا تاں اوں کوں منہ دی کھاوݨ پئی۔ وفاقی وزیر اطلاعات مسلم لیگ (ن) کراچی دے کارکنان دیاں بھارتی جارحیت دے دوران خدمات دی وی تعریف کیتی ۔ مسلم لیگ (ن) دی دیرینہ کارکن ثمینہ قاسم دی پارٹی کیتے خدمات کوں خراج عقیدت پیش کریندے ہوئیں وفاقی وزیر اطلاعات آکھیِے مرحومہ محب وطن پاکستانی ہن۔ آپݨے انتقال توں کجھ گھنٹے پہلے ان????ں آپݨی سوشل میڈیا پوسٹ اچ خضدار سانحہ تے افسوس دا اظہار کیتا جیڑھا ان??اں دی مُلک نال وابستگی دا واضح ثبوت اِے۔ ان????ں آکھیِے ثمینہ قاسم دی وفات دا ݙُکھ ہمیشہ رہ ویسی۔ ان??اں دعا کیتی اے اللہ تعالیٰ مرحومہ کوں آپݨے جوار رحمت اچ اعلی مقام عطا فرمائے۔
.jpg)
