اسلام آباد۔28جون(اے پی پی):وفاقی وزیر اطلاعات، نشریات، قومی ور??ہ و ثقافت عطا اللہ تارڑ جمہوریت دی مضبوطی اتے آزادی اظہار رائے سانڳے صحافیاں دے کردار کوں خراج تحسین پیش کریندے ہوئیں آکھیے صحافیاں نال ساݙا مضبوط تعلق اے، وزارت اطلاعات دے دروازے ہمیشہ صحافیاں سانڳے کھلیے پئن، صحافیاں تے میڈیا ورکرز دے مسئلیں کوں ترجیحی بنیاداں تے حل کریسوں، انہاں دے حقوق دا استحصال نہ تھیوݨ ݙیسوں ۔ صحافیاں دے قتل دے معاملات دی تحقیقات سانڳے چاروں صوبائی وزراءاطلاعات نال ??جل??س کیتا ویسی ۔ ڈیجیٹل رائٹس پروٹیکشن اتھارٹی دا قیام ضروری اے، ہتک عزت قانون تے ٻہوں کم تھیوݨ باقی اے ، صحافتی تنظیماں ایں ضمن اچ آپݨا کردار نبھاون ، صحافیاں کوں بجٹ بکس دی فراہمی ضروری عمل اے اینکوں یقینی بݨایا ویسی ۔ پارلیمنٹ ہاؤس اچ قومی اسمبلی دے ??جل??س توں واک آؤٹ کرݨ آلے صحافیاں نال ڳاھل مہاڑ کریندے ہوئیں وفاقی وزیر اطلاعات آکھیے صحافیاں نال میݙا ٻہوں پراݨا تعلق اے جݙاں پارلیمان دے دروازےاساں کیتے بند ہن تاں اوکھے دور اچ وی صحافیاں نہ صرف ساݙے حوصلے ودھائے بلکہ ساݙی آواز عوام تئیں پڄائی ۔ عطا اللہ تارڑ آکھیے جمہوریت دی مضبوطی، آزادی صحافت اتے آزادی اظہار رائے سانڳے صحافیاں اتے پارلیمانی رپورٹرز ایسوسی ایشن (پی آر اے) دا اہم کردار رہیے جیں تے انہاں کوں خراج تحسین پیش کریندوں ۔ انہاں آکھیے ساݙی ہمیشہ کوشش رہی اے جو صحافیاں نال نیڑے رابطہ رہے ۔ جے کہیں صحافی کوں کوئی مسئلہ تھیندے تاں ایندا بلا تفریق فوری نوٹس ڳھدا ویندے انہاں دے مسئلے کوں حل کیتا ویندے ایں ضمن اچ وزارت اطلاعات وی اپنا کردار نبھیندی پئی اے ۔ صحافیاں کوں بجٹ بکس ݙیوݨ تے ڳالھ کریندے ہوئیں وفاقی وزیر آکھیے صحافیاں کوں بجٹ بکس ݙیوݨ ضروری عمل اے، بجٹ بکس سالہا سال توں صحافیاں کوں ݙتی ویندی رہی کݙاہیں کہیں بجٹ اچ اے مسئلہ نی تھیا ۔ ایں واری ایں حوالے نال کمیونیکیشن اتے کوآرڈینیشن دے مسئلے تھئن جیں تے وزارت خزانہ اتے قومی اسمبلی سیکریٹریٹ نال ڳالھ کیتی ویسی تے صحافیاں کوں بجٹ بکس ݙیوݨ یقینی بݨایا ویسی ۔ انہاں آکھیے اڄ صحافیاں کوں ایں مسئلے تے واک آئوٹ کرݨا پئے جیں تے میکوں افسوس اے ۔ میں بطور وزیر اطلاعات تساں نال موجود ہاں تے صحافیاں نال فرنٹ لائن تے کھڑا۔ وزارت اطلاعات دے دروازے چووی گھنٹے تساں کیتے کھلئے پئن تساݙے مسئلے وختی حل کیتے ویسن میݙی تساں توں درخواست اے جو واک آؤٹ ختم کر تے واپس آونڄو۔ صحافیاں دے قتل دے معاملات دی تحقیقات دے حوالے نال ڳالھ کریندے ہوئیں وفاقی وزیر اطلاعات آکھیے انہاں کیساں اچ زیادہ تر صوبائی معاملات ہن، 18 ویں ترمیم دے بعد اے معاملات صوبیں کوں منتقل تھی چکن ایں ضمن اچ چارے صوبائی وزراءاطلاعات نال ??جل??س کیتا ویسی ھک میکنزم تیار کیتا ویسی ایں معاملے تے کمیٹٰی بݨائی ویسی جیں کوں نوٹیفائی کیتا ویسی ۔ انہاں آکھیے ہتک عزت قانون دے حوالے نال صحافتی تنظیماں آپݨی تجویزاں ݙیون ایں تے پنجاب حکومت نال ڳالھ کیتی ویسی ہتک عزت قانون ساریں کیتے ہے اے صرف ریاستی اداریں تے حکومتاں سانڳے کائنی۔ انہاں آکھیے کہیں وی بندے کوں اے حق حاصل ہووݨا چاہیدے جو او ہتک عزت تےعدالت نال رجوع کرسڳے۔ انہاں آکھیے ملک اچ عدالتاں تے قانون موجود اے، جے کہیں تے کوئی الزام لڳدے تاں اینکوں عدالت اچ ثابت تھیوݨا چاہیدے اے نی ہووݨا چاہیدا جو لوکاں کوں سر راہ قتل کرݙتا ونڄے ۔ میڈیا ورکرز اتے صحافیاں کوں تنخواہیں دی عدم ادائیگی بارے ڳالھ کریندے ہوئیں انہاں آکھیے وزیراعظم شہباز شریف ہمیشہ میڈیا ورکرز تے صحافیاں کوں تنخواہواں دی ادائیگی اچ تاخیر جیہے مسئلیں کوں مکاوݨ تے توجہ ݙتی ایں حوالے نانل پی بی اے اتے اے پی این ایس نال ڳالھ کیتی ویندی پئی اے انہاں آکھیے صحافیاں تے میڈیا ورکرز کوں واجبات ݙیوݨ تے ساݙا فوکس اے ۔میڈیا ورکرز اتے صحافیاں دے حقوق دا استحصال نہ تھیوݨ ݙیسوں ۔ بعد اچ صحافیاں وفاقی وزیر اطلاعات دا یقین ݙیواوݨ تے قومی اسمبلی ??جل??س توں واک آؤٹ ختم کرݙتا۔
.jpg)
