اسلام آباد۔19مئی (اے پی پی) وفاقی کابینہ 16 مئی کوں قومی سلامتی کمیٹی اجلاس دے فیصلیاں دی توثیق کر ݙتی اے اتے راولپنڈی اچ انشورنس ٹریبونل قائم کرݨ دی منظوری ݙے ݙتی اے جڈانجو وزیراعظم شہباز شریف دی پٹرول تے ڈیزل دے نرخاں اچ ڳھٹکی دے اثرات فوری عوام تئیں پجاوݨ دی ہدایت کیتی اے۔ وزارتِ داخلہ اتے ضلعی انتظامیہ ٻی شئیں دے نرخ ڳھٹ کرݨ کوں یقینی ٻݨاون اتے ناجائز منافع خوراں دے خلاف سختی نال ایکشن ڳھدا ونڄے۔ وزیراعظم آکھیا جو ایران توں ڳھت لاگت بجلی دی درآمد نال بلوچستان دے پرے دے علاقیاں اچ ترقی تے خوشحالی امسی۔ ”روڈ ٹو مکہ“ منصوبے نال پاکستانی عازمین کوں حج دی بہترین سہولتاں ملسن۔ وزیراعظم آفس دے میڈیا ونگ توں جاری بیان موجب جمعے کوں وزیراعظم محمد شہباز شریف دی صدارت وفاقی کابینہ دا اجلاس وزیراعظم ہاؤس اچ تھیا۔ وزیراعظم اجلاس اچ کابینہ ارکان وکں دورہ ??یران تے بریفنگ ݙتی۔ وفاقی کابینہ اراکین دا خیر مقدم کریندیں ہوئیں وزیراعظم انہاں کوں اپݨے گزریل ݙینھ دے پاک ایران سرحد دے دورے بارے ݙسیا۔ وزیراعظم آکھیا جو ایرانی صدر دی ذاتی دلچسپی اتے وزیراعظم دی ذاتی نگرانی اچ ایران توں 100 میگا واٹ سستی بجلی دی درآمد دا منصوبہ ڳھٹ مد اچ پورا تھیے۔ ایں منصوبے نال جنوبی بلوچستان خصوصاً گوادر اچ بجلی دی ترسیل یقینی ٻݨائی ویسی۔ وزیراعظم آکھیا جو ایرانی صدر پاک۔ایران تجارت دے آپسی فروغ اچ وی خصوصی دلچسپی دا اظہار کیتے۔ وزیراعظم آکھیا جو وزیر خارجہ دی سربراہی اچ ہک اعلیٰ سطحی وفد ایران دا دورہ کریسی تانجو انہاں معاملیاں تے پیشرفت تھیوے۔ وزیراعظم کابینہ ارکان کوں سعودی عرب نال منگل کوں دستخط ک??تے ڳے”روڈ ٹو مکہ“ معاہدے دی تفصیلات بارے وی ݙسیا۔ وزیراعظم آکھیا جو پٹرول تے ڈیزل دے نرخاں اچ ڳھٹکی دے اثرات کوں فوری عوام تئیں پجایا ونڄے۔ پٹرول اتے ڈیزل دے نرخ اچ تقریباً 11 فیصد گھٹکی دے تناسب نال کرایاں اتے ضروری کھاوݨ پیوݨ دی شئیں دے نرخاں اچ ڳھٹکی کوں یقینی ٻݨایا ونڄے۔ وفاقی کابینہ کابینہ کمیٹی برائے لیجسلیٹو کیسز دے 11 مئی 2023 کوں تھیوݨ آلے اجلاس اچ ک??تے ڳے فیصلیاں دی توثیق کیتی۔
.jpg)
