اسلام آباد۔13اگست (اے پ?? پی):اسپیکر قومی اسمبلی راجہ پرویز اشرف آکھیے جو پاکستان دا آئین وفاقِ پاکستان دی سالمیت ، اتحاد اتے ترقی دی زنجیر اے، قومی اسمبلی عوامی ادارہ اے اتے اساں ایندے محافظ ہیسے، جمہوریت دے استحکام کیتے ݙتی و??ڄݨ آلیاں قربانیاں کوں یاد رکھیا ویسی ، آئین دی تشکیل اچ پاکستان دے اکابرین اہم کردار ادا کیتے، عوام نال جڑیے رہݨ ہی وچ ساݙی عزت تے تکریم اے، پاکستان دی ساری سیاسی قیادت بشمول پی ڈی ایم اتے ایندے اتحادی جتھاں پاکستان کوں اوکھ توں کڈھݨ کیتے اوکھے فیصضے گھن تے ذمے وار قیادت ہووݨ دا ثبوت ݙیندی پئی اے اتھاں تاریخ اچ آپݨا ھک مقام بݨیندی پئی اے ۔ تاریخ کوں ایندے صحیح مقام تے گھن آوݨ دا ھک بظاہر چھوٹا لیکن حقیقتا ٻہوں وݙا اقدام ایں اسمبلی وی چاتے ، ڈائمنڈ جوبلی تقریبات اچ تریمتاں ٻالاں ، اقلیتاں سودھے مختلف طبقات کوں ایں ایوان اچ براجمان تھی تے ڳالھ کرݨ دا موقع ݙتا ڳئے ، ہفتے کوں دستور ساز اسمبلی دے 75 سال مکمل تھیوݨ تے ڈائمنڈ جوبلی تقریبات دے سلسلے اچ سابق تے موجودہ ارکان قومی اسمبلی دے کنونشن دے شرکا دا خیرمقدم کریندے ہوئیں انہاں آکھیے جو ڈائمنڈ جوبلی تقریبات دے حوالے نال منعقدہ ایں ڈائمنڈ جوبلی پارلیمانی کنونشن اچ تساں ساریں کوں خوش آمدید آکھݨ ناصرف بطور اسپیکر قومی اسمبلی میݙا اعزاز اے بلکہ ??یݙی سیاسی جدوجہد دی تاریخ دا ھک حسین ترین واقعہ وی اے۔ تساݙی پاکستان دی جمہوری اتے آئینی جدوجہد دا او بیش قیمت سرمایہ ہن جیں تے اے قوم بجا طور تے فخر کرسڳدی اے ۔
