پشاور۔ 28 دسمبر (اے پی پی)وزیر اعظم عمران خان اصلاحاتی نظام اچ رکاوٹ بنڑن آلے سٹیٹس کودی مزاحمت مکاونڑ دا عزم کریندے ہوئے آکھیے جو مختلف شعباں اچ اصلاحات جاری رہسن،2019ءاوکھا سال ہا بھل آندا سال معیشت اتے ترقی کیتے چنگاں ہوسی، سرکاری ہسپتالاں اچ بیرون ممالک آلی کار جدید نظام متعارف کریسوں،شمالی امریکہ اچ مقیم پاکستانی ڈاکٹرز اتے فزیشنز توں لابنگ تکڑی کریسوں،پاکستانی تارکین وطن بھارت ولوں انسانی حقوق دیاں خلاف ورزیاں بے نقاب کرن،اے گالھ وزیر اعظم عمران خان پشاور اچ امراض قلب دی تنظیم ( اپنا ) اتے خیبر میڈیکل کالج دی سالانہ ونٹر میٹنگ نال خطاب اچ آکھی۔وزیراعظم آکھیا جو بیرون ملک پاکستانی تارکین وطن ساڈا مانڑ ہین جیندے مسلے حل کرنڑ ترجیح اے،انہاں کوں ملک اچ سرمایہ کاری دے مواقع، کاروبار کوں تحفظ اتے سرمایہ پاکستان بھیجنڑ کیتے ہر قسم دیاں مراعات ڈتیاں ویسن۔انہاںا ٓکھیے جو اساں ہم سرکاری شعبہ دے ہسپتالاں اچ اصلاحات کرنڑ چاہندے ہیں،عالمی معیار دے ہسپتال بنڑائے ویسن۔وزیراعظم اے عزم دوہرائے جو اساں اصلاحات اچ کوئی رکاوٹ نہ آونڑ ڈیسوں،اصلاحات گھن آونڑ توں کہیں صورت پچھو نہ ہٹسوں،سرکاری ہسپتالاں اچ نجی ہسپتالاں جھیاںماحول اتے معیار ڈیونڑدی شروعات خیبرپختونخواہ توں کر ڈتی اے،ساڈی حکومت ریفارمز گورمنٹ اے ،اساں پنج سال پورے کرنڑ نئیںا ٓئے، اصلاحات کیتے آئے ہیں،۔ وزیراعظم آکھیے جو بھارت اپنڑی لابنگ پاروں پورے جگ دیاں اکھیں دھوڑ سٹیندا کھڑے،مقبوضہ کشمیر اچ کشمیریاں اتے بھارت اچ مسلماناں سودھا بیاں اقلیتاں جو کجھ بھارت کریندا پئے او عالمی اتے انسانی حقوق دیاں سنگین خلاف ورزیاں توں وی وڈاجرم اے، بھارت دا مقصد صرف مسلماناں کوں نشانہ بنڑاونڑ اے، خدشہ اے جو بھارت اپنڑیاں کارروائیاں تے پردہ پاونڑ کیتے پاکستان دے خلاف کوئی وی مہم جوئی کر سگدے۔ وزیراعظم آکھیے جو پاکستان دے معاشی حالات تکڑے تھیندے پین، عالمی مالیاتی ادارے وی اے گالھ منیندے پین،اساں توانائی، زراعت، سیاحت سرمایہ کاری، تجارت اتے بئے شعبیاں اچ اصلاحات نال ملک اچ معاشی تبدیلی دو ودھدے پئے ہیں،آونڑ آلا سال معیشت اتے ترقی کیتے چنگاں سال ہوسی، انشاءاللہ خوشحالی دو ودھنڑ دی شروعات تھی چکی اے۔
.jpg)
.jpg)
