اسلام آباد۔23نومبر (اے پی پی) نگران وفاقی وزیر برائے تعلیم تے پیشہ وارانہ تربیت مدد علی سندھی آکھیا جو پاکستان اتے کرغزستان پیشہ وارانہ تے تکنیکی تربیت دے شعبہ اچ ہک ݙوجھے دے تجربیاں توں فیدہ چا سڳدن۔ ݙوہیں ملکاں وچال دوستانہ تعلقات مستقبل اچ ٻئے مضبوط تھیسن۔ اے ڳالھیں انہاں خمیس کوں پاکستان اچ جمہوریہ کرغزستان دے سفیر اولانبیک ٹوٹیے دی قیادت اچ اعلیٰ اختیاراتی وفد نال ملاقات اچ آکھی۔ وفاقی وزیر مدد علی سندھی کرغزستان دے وفد دا خیرمقدم کریندیں ہوئیں آکھیا جو ݙوہیں ملک ثقافتی، لسانی اتے عوام وچال ہک ݙوجھے نال محبت کریندن۔ انہاں ووکیشنل اتے ٹیکنیکل ٹریننگ بارے مہارت اتے علم دے تبادلے تے ڳالھ مہاڑ کیتی۔ پاکستان اچ جمہوریہ کرغزستان دے سفیر اولانبیک ٹوٹیے آکھیا جو کرغزستان دی عوام دی پاکستان نال ڳھاٹی جڑت اے، یونیورسٹی توں یونیورسٹی تعاون اتے ٹیکنیکل انسٹی ٹیوشن ٹو ٹیکنیکل انسٹی ٹیوشن تعاون اڳوں ودھݨ دا راہ اے۔ انہاں وفاقی وزیر کوں کرغزستان اچ استعمال تھیوݨ آلے ڈیجیٹل لرننگ پلیٹ فارم بارے وی ݙسیا۔
.jpg)
.jpg)
