اسلام آباد ۔27مارچ (اے پی پی) مینھ وسݨ دا سبب بݨݨ آلا مغربی ہوائیں دا سلسلہ اڄ توں ملک د وکھو وکھ علاقیں اچ داخل تھیسی۔ محکمہ موسمیات موجب 27 توں 31 مارچ دے دوران خیبر پختونخوا اچ چترال ، دیر ، سوات ،ایبٹ آباد ،شانگلہ ،باجوڑ،کوہاٹ ، بنوں ، ڈیرہ اسماعیل خان ، پشاور ، صوابی اتے مردان اچ وقفے وقفے نال مینھ تے پہاڑاں تے برف باری دا امکان اے ، 29 تے 30 مارچ کوں کجھ ھک جہیں تے موسلا دھار مینھ تے ژالہ باری دی پیش گوئی اے۔ اڄ رات توں 31 مارچ تئیں گلگت بلتستان اتے کشمیر اچ وی کتھائیں کݨ مݨ تے کتھائیں زیادہ مینھ وٹھسی ۔ محکمہ موسمیات موجب 31 مارچ تئیں راولپنڈی اسلام آباد ، چکوال ، گجرات ، گوجرانوالہ ، نارووال ، لاہور ، فیصل آباد ، خوشاب اتے سرگودھا اچ وی مینھ وسسی ۔ 28 توں 30 مارچ تئیں ڈیرہ غازی خان ، راجن پور ، بھکر، لیہ، ملتان، رحیم یار خان ، بہاولپور ، بہاول نگر اچ مینھ وٹھسی ۔ ستاوی تں انتری مارچ بلوچستان اچ ژوب ، شیرانی ، بارکھان ، موسی خیل ،جھل مگسی ، زیارت ، کوئٹہ ، پشین ، قلعہ سیف اللہ ، قلات اتے خضداراچ مینھ وسݨ دی پیش گوئی اے ۔ سندھ اچ 28 تے 29 مارچ کوں سکھر ، جیکب آباد، کشمور ، لاڑکانہ اتے دادو اچ تکھی ہوا گھلݨ دے نال مینھ وسݨ دا امکان اے ۔این ڈی ایم اے متعلقہ اداریں کوں کہیں وی ہنگامی صورت حال نال نبݨݨ سانڳے اقدامات دی ہدایت کیتی اے ۔
.jpg)
.jpg)
