اسلام آباد۔26اگست(اے پی پی) صدر مملکت آصف علی زرداری بلوچستان اچ کلیئرنس آپریشنز دے دوران نینگراں دی شہادت تے ݙکھ تے افسوس کیتے ۔ ایوان صدر دے پریس ونگ توں جاری بیان موجب صدر مملکت بلوچستان اچ مختلف واقعات اچ نشوم شہریاں دی شہادت تے تعزیت کیتی ۔ صدر آکھیے دہشتگرد پوری قوم ، انسانیت اتے ترقی دے دشمن ہن، انہاں کوں کیفر کردار تئیں پڄیسوں ۔ صدر مملکت آکھیے قوم بہادر سکیورٹی فورسز اتے قانون نافذ کرݨ آلے اداریں دے رلے کھڑی اے ۔ صدر مملکت آکھیے پوری قوم دی مدد نال دہشتگرد عناصر دے مذموم عزائم کوں ناکام بݨیسوں ۔ صدر آصف علی زرداری آکھیے قوم شہداء دی احسان مند رہیسی ، انھاں دیاں قربانیاں کوں سلام پیش کریندی اے ۔ صدر مملکت شہید تھیوݨ آلے نینگراں دی بہادری تے جذبہ قربانی دی تعریف کیتی تے شہیداں سانڳے اُچے درجات تے انھاں دے گھرآلیں سانڳے صبر دی دعا منڳی
