اسلام ??با??۔19اپریل (اے پی پی):وفاقی وزیر اطلاعات و نشریات عطاءاللہ تارڑ آکھیے پی ٹی آ??ی آلے اڈیالہ توں ملک دشمنی دی گائیڈ لائن گھندے پئن، کہیں کوں پاکستان تے تنقید اتے خارجہ پالیسی تے حملہ آور تھیوݨ دی اجازت نہ ݙتی ویسی۔ خارجہ پالیسی نال کھیݙݨ عمران خان دا وطیرہ رہیے۔ قومی اسمبلی اچ ڳالھ مہاڑ کریندے ہوئیں وفاقی وزیراطلاعات آکھیے او ہاؤ?? دی توجہ پاکستان دے مفاد نال جڑیے خارجہ پالیسی دے محاذ آلے پاسے کرا??ݨ چاہندن ۔ خارجہ پالیسی ھک حساس موضوع اے، گزریل ݙینھ صدر مملکت دے خطاب اچ جیڑھا کجھ ایں ایوان اچ تھئے ، افسوسناک ہئی، ماضی اچ ایں ہاؤ?? دی روایت رہی اے جو اپوزیشن دی طرفوں علامتی احتجاج کیتا ویندا ہئی تے ایندے بعد ایوان اچ ٻہہ تے تقریر سݨی ویندی ہئی کل گیلریاں اچ غیر ملکی سفارت کار وی موجود ہن تے انہاں دی موجودگی اچ ایوان دے اندر واڄے وڄائے ڳئن ۔ اپوزیشن ایوان دے اندر غلط روایات پیندی پئی اے، ماضی اچ ایویں ایوان دا ماحول کݙاہیں خراب نی کیتا ڳیا ۔ وفاقی وزیر اطلاعات آکھیے جݙاں وی دوست ملکاں دی طرفوں پاکستان دے دورے تے وفد آندن یا سرمایہ کاری دے حوالہ نال کوئی عندیہ ݙتا ویندے تاں اپوزیشن دی طرفوں پاکستان دے دوست ملکاں دے حوالے نال وکھری قسم دے بیان سامݨے آندن ۔ پی ٹی آ??ی دے ھک فاضل رکن دی طرفوں ھک بیان ݙتا ویندے جو ایندے بعد انہاں دی آپݨی پارٹی ہی ایندی تردید کریندی اے ۔ انہاں آکھیے جے تساں تنقید کرںی اے تاں میݙی ذات تے کرو میݙی پارٹی تے کرو ساݙے ھک ھک ممبر تے کرو مگر پاکستان تے تنقید دی اجازت نہ ݙتی ویسی ۔وفاقی وزیر اطلاعات آکھیے پی ٹی آ??ی پہلے وی امریکی سازش دا بیانیہ گھڑیا تے آکھیے اساں کوئی غلام کائنی ، امریکی سازش دے نتیجے اچ ساݙی حکومت ڈھائی ڳئی ایندے بعد ایں بیانے تے انہاں یوٹرن ڳھدا ۔
