اسلام آباد ۔18اگست(اے پی پی) صدر مملکت آصف علی زرداری ساوݨ دی شجر کاری مہم سانڳے سنھیے اچ آکھیے ساوݨ شجر کاری مہم 2024 ء دے آغاز تے ماحولیاتی تحفظ دی طرفوں پاکستانیاں دی غیر متزلزل لگن تے د??وں انھاں دا شکریہ ادا کرینداں ۔ اے مہم صرف ھک موسمی اقدام کائنی بلکہ اپݨے پیارے ملک دے قدرتی حسن اتے وسائل دے تحفظ تے ودھارے دے قومی فریضے دا ھک اہم پہلو اے۔انھاں آکھیے وݨ زندگی دا اساس ہن ، تازہ ہوا ݙیندن ، آب و ہوا چنڳی بݨیندن تے ھک چنڳے ماحولیاتی نظام دے قیام اچ مدد کریندن ۔ ودھدے ماحولیاتی مسئلیں پاروں ، شجرکاری دی اہمیت ٻئی ودھ ڳئی اے ۔ رسول اللہ ﷺ وی وݨ رہاوݨ دی ترغیب ݙتی تے آپؐ دا فرمان اے جے قیامت قائم تھی ونڄے اتے تساں اچوں کہیں بندے دے ہتھ اچ کجھور دا ٻوٹا ہووے تاں اینکوں قیامت قائم تھیوݨ توں پہلے ٻوٹا لاوݨ دی مہلت مل ونڄے تاں او ایں ٻوٹے کوں رہاوے ۔ ایں ویلھے پاکستان دے کل رقبے دا صرف 5 فیصد حصہ ??نگ??ات نال ڈھکیا ہویا اے ۔ کاٹھی دی ودھدی منگ اتے ٻئے زمینی استعمالات پاروں ??نگ??ات تے ٻہوں دٻاؤ اے۔ ساوݨ شجر کاری مہم ساݙے ماحول تے دیر تئیں اثر پاوݨ تے نینگر نسل سانڳے ھک ساوے تے صحت مند مستقبل محفوظ بݨاوݨ دا موقع اے ۔ صدر مملکت آکھیے ??نگ??ات دا ودھارا پاکستان دے ترقیاتی ایجنڈے اچ اولین ترجیح اے۔ “اپ اسکیلڈ گرین پاکستان پروگرام” دے تحت وݙے پیمانے تے ٻوٹے رہاوݨ دا ہدف ڳھدا ڳئے تے اینکوں بین الاقوامی سطح تے وی منیا ڳئے ۔ ایں توں انڄ ڈیلٹا بلیو کاربن اقدام دے تحت، پاکستان 1990 ءتوں مینگرووز دے رقبے اچ 300 فیصد ودھارا کرتے مینگرووز بحالی اچ کامیابی ڳھدی۔ موسمیاتی تبدیلی دے اثرات گھٹ کرݨ سانڳے سندھ اچ 20 لکھ توں ودھ مینگرووز لاتے ڳئن جیں توں عالمی مارکیٹ اچ کاربن کریڈٹس دی تجارت توں 27 ملین ڈالر وی کمائے ڳئن۔”دی لیونگ انڈس پروگرام” دا مقصد ??نگ??اں دی کٹائی روکݨ اے اتے اینکوں اقوام ِمتحدہ ݙھاکے دی بحالی دا فلیگ شپ ایوارڈ ملیے ۔ انھاں آکھیے میں اے واضح کرݨ چاہساں جو حکومت کمیونٹی دے تعاون دے بغیر ??نگ??ی وسائل دا ودھارا تے تحفظ نی کرسڳدی ایں سانڳے معاشرے دے مختلف طبقیں دا رلݨ ضروری اے تے میکوں امید اے ایں نیک کم اچ آپݨا حصہ ضرور پاؤ ۔ اے امر وی ضروری اے جو ساݙی نینگر کوں نسل موسمیاتی تبدیلیاں نال نبݨݨ اچ ??نگ??ات دے کر??ار دی اہمیت دا پتہ ہووے ۔ اساں ایں اہم مشن کوں اڳوں ودھاوݨ سانڳے استعداد ِودھاوݨ ، تعلیم تے جدت دے ودھارے سانڳے پرعزم ہیسے۔میں سارے پاکستانیاں خاص کر نینگراں توں گزارش کرینداں جو او ساوݨ شجرکاری مہم 2024ء اچ ودھ چڑھ تے حصہ گھنن تاں جو ودھ توں ودھ وݨ رہا تے ملک اچ ??نگ??اں دے ودھارے دا قومی مقصد ڳھدا ونڄ سڳے۔ آؤ ،اساں ایں مہم کوں پائیداری سانڳے ساݙے عزم اتے ایں سر زمین سانڳے ساݙی محبت دی علامت بݨاؤں ۔ میکوں یقین اے جو اساں سارے رل تے ھک ساوا تے سوہݨے پاکستان دا مقصد گھن سڳدوں
