اسلام آباد۔17جون(اے پی پی):وفاقی وزیرخزانہ ومحصولات سینیٹرمحمداسحاق ڈارآکھیے شیل پٹرولیم دے حوالے نال قیاس آرائیاں اتے منفی خبراں کھنڈائیاں ویندیاں پئن جیڑھیاں جو بے بنیاد اتے حقائق دے منافی ہن، کمپنی پاکستان اچ آپݨے حصص ھک ٻئے بین الاقوامی سرمایہ کارکوں ویچݨ ویندی پئی اے ، کمپنی پاکستان اچ کم بند نی کریندی پئی ، کمپنی دا پاکستان اچ بزنس جاری ر ہسی تے کوئی ملازم بے روزگارنہ تھیسی ، سارے بین الاقوامی ادائیگیاں کوں یقینی بݨایا ڳئے ، چینی بینکاں توں امورکوں حتمی شکل ݙتی ڳئی اے ۔ میڈیا نال ڳالھ مہاڑ اچ وفاقی وزیرخزانہ آکھیے گزریل ݙو ترائے ݙینھ توں میڈیا اچ پاکستان دی ٻاہرلی ادائیگیاں بارے ابہام پیداکیتا ڳئے۔وزیرخزانہ آکھیے جون دے اختتام تئیں چین دے ݙوبینکاں کوں بالترتیب ھک ارب ڈالر اتے300 ملین ڈالردی ادائیگی کرݨی ہئی ، چینی بینکاں نال ساݙا جیڑھا انتظام اے ایندے تحت اساں ادائیگی کریندوں تے او واپس آندن ول ادائیگی اچ کجھ اوقات کئی ہفتے لڳ ویندن ، وزارت خزانہ ایں ضمن اچ ݙوہیں بینکاں نال رابطہ کیتے تے انہاں نال معاملات طے کیتن جو اساں پہلے ادائیگی کریندوں ، انہاں بینکاں نال اے وی طے تھیا ہئی جو اساکوں کوئی اضافی ادائیگی نہ کرݨی ہوسی ۔
