اسلام آباد۔10جنوری (اے پی پی) نگران وزیراعظم انوارالحق کاکڑ آکھیا جو وبائی امراض دے تدارک کیتے موثر، مضبوط اتے سانجھے اقدامات دی لوڑھ اے، ص??ت بارے اندرلے اتے ٻاہرلے چینلنجز نال نبڑݨا پوسی۔ صحت دے نظام دی بہتری کیتے مانیٹرنگ ٻہوں ضروری اے۔ پاکستان کوں موسمیاتی تبدیلیاں پاروں ٻہوں نقصان تھیے۔ سارے ملکاں دی ذمہ واری اے جو آپݨے شہریاں کوں صحت مند اتے محفوظ ماحول ݙیون۔ اے ڳالھیں انہاں بدھ کوں عالمی ہیلتھ سکیورٹی سمٹ دی افتتاحی تقریب توں خطاب کریندیں ہوئیں آکھی۔ نگران وزیراعظم انوار الحق کاکڑ آکھیا جو پہلے عالمی ہیلتھ سکیورٹی سمٹ کراوݨ پاکستان کیتے اعزاز اے، سارے مندوبین کوں شرکت تے خوش آمدید آکھداں۔ وزیرصحت ڈاکٹ?? ندیم جان سمٹ کراوݨ کیتے ٻہوں کوشش کیتی اے۔ انہاں آکھیا جو پوری دنیا اچ صحت دے مسئلیاں دا حل ضروری اے۔ وبائی امراض دے تدارک کیتے موثر، مضبوط اتے سانجھے اقدامات دی لوڑھ اے، ص??ت بارے اندرلے اتے ٻاہرلے چینلنجز نال نبڑݨا پوسی۔ پاکستان کوں موسمیاتی تبدیلیاں پاروں 30 ارب ڈالر توں ودھ دا ضیان تھیے۔ نگران وزیراعظم آکھیا جو سانجھی تحقیق نال وبائی امراض دے علاج د?? طریقہ ڳولݨا پوسی۔ ۔
